註冊 登入



打印

FiiO AM3D耳放模組開箱評測

FiiO AM3D耳放模組開箱評測 E-mail 此主題給朋友

[隱藏]


FiiO喺2019年春季發佈會除咗推出M11之外,仲出咗AM3D耳放模組。呢個模組係俾FiiO X7系列DAP以及Q5系列解碼耳放用嘅,有3.5mm單端接口以及4.4mm平衡接口,睇落好似同AM3B冇咩分別。不過AM3D用咗雙THX-AAA-78模塊,而且攞到THX認證,價錢就比其他模組貴幾百蚊。THX AAA全稱THX Achromatic Audio Amplifier(THX消色差音頻放大器),根據THX official website嘅描述簡單總結一下,(https://www.thx.com/mobile/aaa/)呢個系列嘅音頻放大器有專利嘅前饋誤差校正技術,將諧波、互調及交越失真降低,輸出功率更大,動態範圍同埋聲壓級(SPL)都更大,而且對電源嘅要求較低。

其實佢地之前都出過內置THX模塊嘅耳放模組,型號係AM3C,不過由於只限日本銷售,而且限量,所以冇乜人知,AM3C完售之後,喺日本仲有炒價,最貴炒到原價一倍。

不過講咁多都冇用,實際聽過先知道好唔好聲嘅。首先睇咗開箱先:




包裝同AM3B耳放模組一樣,只係正面貼咗AM3D嘅label,背面貼咗AM3D嘅barcode。




同其他耳放模組一樣,有個金屬盒做保護。




打開金屬盒就可以見到模組本體。其實呢個收納盒都幾大,裁剪一下緩衝海綿,可以放到三個模組。模組用膠袋裝好避免刮花,盒內附有說明書以及四粒螺絲。




同AM3B一樣,AM3D正面貼咗Hi-Res貼紙。就咁睇同AM3B好似差唔多?




背面印住AM3D,仲有THX AAA-78嘅字樣。




同AM3B對比,外觀上AM3D好似只係背面印字唔一樣?




底部插孔都係似乎一模一樣。




由頂部一睇,終於發現有區別,AM3D(上面嗰個)嘅4.4mm插口同AM3B(下面嗰個)嘅4.4mm插口似乎唔一樣。




插個AM3D落去X7,聽一聽,咦,真係有料到喎。換咗AM3D之後,X7嘅底噪俾佢壓低咗,好過用AM3B嗰時唔少,甚至底噪表現仲好過M11一啲。底噪少咗,分析力都有提升,加埋X7+AM3D呢個組合好少味精,聽落比M11更加正。本來用AM3B嗰時仲覺得X7都係時候退休,換咗AM3D之後,宜家呢個聲底我諗部X7可以撐多一兩年。
不過換完模組之後,部X7都唔會變快......用多一兩年都係要換DAP...... 撐到年尾FiiO出嘅新嘅旗艦DAP都ok嘅。



回覆 引用 TOP

[按此隱藏 Google 建議的相符內容]


重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。