註冊 登入



打印

VSONIC 39週年限量玻璃藍耳機開箱評測

VSONIC 39週年限量玻璃藍耳機開箱評測 E-mail 此主題給朋友

[隱藏]




VSONIC 39歲生日,之前搞咗個59.9人仔嘅福袋活動。(已完。新福袋活動售價699人仔,GR09保底。)
抽咗六次,第六次終於中咗限量玻璃藍耳機,好似話價值1699人仔?
首先睇咗開箱先:





包裝盒套咗一個彩色封套,寫明係39週年幸運禮盒。(即係福袋)





抽出封套內嘅包裝盒,包裝盒寫住係“VSD2Si”,實際上要打開咗先知道抽中咩耳機。





背面都冇任何線索可以估到入面係咩耳機。





終於要打開個盒啦!





VSONIC 39週年限量玻璃藍耳機!
(知道抽中嗰一刻真係好開心,抽咗六次終於中大獎......)





包裝盒內有跟機3.5mm耳機線,三種不同大小嘅耳機套,玻璃藍耳機主體同埋一張印住參數嘅紙。





耳機參數如圖。







玻璃藍耳機雖然叫做“玻璃藍”,其實應該係膠殼。
透過偏藍色嘅透明外殼,可以清晰見到入面嘅動圈單元。
內部單元接線仲有白色膠皮絕緣,比起漆包銅線更美觀。
不過可能係裝配嗰時出咗問題,耳機內外兩邊外殼之間嘅縫隙粗細不一。





銀色嘅原裝耳機線做工幾好,0.78 pin插頭係完全透明嘅,可以清楚望到插頭裡面嘅接線。
目測線材應該係四絞,材質未知。(可能係銅鍍銀?)





買咗條平平地嘅2.5mm平衡耳機升級線用落玻璃藍耳機,(特登配返一條藍色線)
插落FiiO M11同FiiO X7+AM3D(加個轉接頭)聽咗一陣,
VSONIC玻璃藍耳機嘅高頻表現好似GR09,都係比較細膩。
雖然低頻唔算多但起碼多過GR09,質感幾好。
分析力唔錯,聲場都夠闊,樂器聲同人聲分明,感覺樂器聲圍繞人聲但唔會蓋過人聲。

同iBasso it01s對比,VSONIC玻璃藍耳機低頻量冇咁多,但質感拍得住it01s,
兩者相比VSONIC玻璃藍耳機低頻冇咁突出,
雖然鼓聲冇咁前,但都聽到每一下打鼓嘅節奏感。
而VSONIC玻璃藍耳機嘅中頻好過it01s一啲,人聲比較近,但齒音唔多,
VSONIC玻璃藍耳機嘅高頻風格唔同it01s,it01s嘅高頻比較明亮,而VSONIC玻璃藍耳機就係比較細膩,同埋佢嘅高頻比較突出,弦樂聲呈現出嚟嘅效果更好。
呢個中高頻表現幾好,值得佢減緊啲低頻讓路俾佢地。
VSONIC玻璃藍耳機嘅動圈單元可以話係做得唔錯,聲場開揚,空間感好,
不過VSONIC玻璃藍耳機冇it01s咁易推,試過用魅族“HiFi解碼耳放”轉接線駁落手機試,啲聲差緊啲,推力唔夠聲場都差幾遠,空間感冇咁好。
VSONIC話呢個玻璃藍耳機價值1699人仔,我覺得呢個音質都值嘅。
更何況我抽福袋抽咗六次都只係用咗大概360人仔,抵到爛啦。




開箱嚟到呢度就完啦,感謝觀看。



回覆 引用 TOP

[按此隱藏 Google 建議的相符內容]


重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。