註冊 登入



打印

單圈出奇跡:iBasso IT01s開箱測評

單圈出奇跡:iBasso IT01s開箱測評 E-mail 此主題給朋友

[隱藏]


本來聽開GR09嘅我,偶然見到IT01s,
Tesla磁路+碳納米管振膜+DLC類鑽石球頂三大技術加持,聽落好似好勁。
碳納米管振膜嘅耳機之前都用過(GR09),質素都唔差,但加埋另外兩個技術嘅耳機就真係未試過。
於是就有咗今次呢個開箱啦。







包裝封套正面印有iBasso logo,以及耳機型號。
背面就有多國語言嘅耳機參數。
IT01s阻抗只有16Ohm,應該算係低阻抗耳機。





封套內嘅包裝盒深灰色(偏藍),有iBasso凹印。





包裝盒係揭蓋式設計,打開之後就可以見到耳機主體同埋耳機收納盒。
揭蓋上面黏住嘅黑色信封,裡面有說明書。





耳機主體表面經過電鍍處理,本質都係膠殼,不過處理後外觀更好睇,呈現鏡面效果,做工幾好。
而耳機收納盒就係金屬材質,做工唔錯。





近鏡影多張,就咁睇真係睇唔出係膠殼,耳機主體表面嘅處理工藝唔錯。





黑色信封裡面放住一本說明書,一張保修卡同埋拔開MMCX線嘅說明卡。


睇過成個包裝盒,冇其他暗格。
咁其他配件去咗邊?



原來全部都塞曬入耳機收納盒裡面......
全部攞曬出嚟就覺得好多,咁多嘢都放得入收納盒,犀利。





配件全家福。一大堆配件,見到都覺得抵。
有三款硅膠套(大、中、小),兩對耳棉同埋一對替換用嘅耳機濾網。
耳機嘅跟機線係2.5mm平衡頭,附送2.5mm to 3.5mm轉接線。
跟機線幾粗,而且外觀幾靚,幾襯IT01s。





跟住講下音質。聽咗一陣,基本都對佢嘅音質有一定概念。
講咗結論先:我認為佢嘅整體聲音質素係好過GR09。
我一直覺得GR09低頻量感唔夠,幾可惜。而IT01s嘅低頻量就恰到好處,量感充足但唔會喧賓奪主,所以高頻依然維持到幾好嘅水準。低頻量感嘅提升配合良好嘅質感,令鼓聲還原更為真實,每一下鼓聲都清晰有力。而且得益於IT01s出色嘅瞬態反應,就算係快速而連續嘅鼓樂敲擊聲都可以聽清。
中頻表現都幾好,人聲還原表現好過GR09,人聲更加清晰。
至於高頻,明亮而清晰,相比GR09,IT01s弦樂細節還原表現更加出色,餘音、迴響等細節都還原到。
另外唔知係咪低阻抗嘅優勢,IT01s分析力都好過GR09一啲,聲音分離度都更好,聽樂隊演奏可以聽到不同樂器嘅更多細節,唔怕疊聲。
我亦都試過用apple type c to 3.5mm轉接線直推It01s,啲聲都唔錯,可見IT01s算係比較易推。

我個人偏向喜愛動圈耳機,動鐵耳機雖然分析力更好,但係聽感始終都好似差咗啲。
而IT01s嘅分析力都幾出乎意料,甚至高頻表現有啲似動鐵耳機咁明亮,
不過始終都係動圈耳機,當然有唔少動圈耳機嘅特質:聲音寬鬆自然,音場都幾闊。

總括而言,IT01s係一款幾好嘅單動圈耳機,高頻明亮,中頻清晰,低頻飽滿有力,基本上冇咩缺點。
做工方面佢都好過GR09唔少,聲音質素又好過GR09,值得一試。
好難得仲有耳機廠用心整好單動圈耳機,抵讃。



精選樓盤
引用:
原帖由 133hk 於 2018-12-11 01:18 AM 發表

9095893

本來聽開GR09嘅我,偶然見到IT01s,
Tesla磁路+碳納米管振膜+DLC類鑽石球頂三大技術加持,聽落好似好勁。
碳納米管振膜嘅耳機之前都用過(GR09),質素都唔差,但加埋另外兩個技術嘅耳機就真係未試過。
於是就有咗今次呢個開箱啦。



9095888

9095889

包裝封套正面印有iBasso logo,以及耳機型號。
背面就有多國語 ...
幾錢入手



引用:
原帖由 tggyef 於 2018-12-11 12:39 PM 發表



幾錢入手
淘¥1388
香港代理做緊預售,個價都ok,1698HKD



提示: 作者被禁止或刪除 內容自動屏蔽
引用:
原帖由 133hk 於 2018-12-11 01:05 PM 發表



淘¥1388
香港代理做緊預售,個價都ok,1698HKD
唔講價錢, 更加期望你進一步向高阻單圈既境界進發



[隱藏]
引用:
原帖由 133hk 於 2018-12-11 01:18 發表



跟住講下音質。聽咗一陣,基本都對佢嘅音質有一定概念。
講咗結論先:我認為佢嘅整體聲音質素係好過GR09。
我一直覺得GR09低頻量感唔夠,幾可惜。而IT01s嘅低頻量就恰到好處,量感充足但唔會喧賓奪主,所以高頻依然維持到幾好嘅水準。低頻量感嘅提升配合良好嘅質感,令鼓聲還原更為真實,每一下鼓聲都清晰有力。而且得益於IT01s出色嘅瞬態反應,就算係快速而連續嘅鼓樂敲擊聲都可以聽清。
中頻 ...
正,幾錢?





引用:
原帖由 FCU 於 2018-12-11 02:26 PM 發表




正,幾錢?
睇#3……



回覆 引用 TOP

引用:
原帖由 FCU 於 2018-12-11 02:26 PM 發表




正,幾錢?
淘宝聽日RMB1258



回覆 引用 TOP

這是好耳機來


引用:
原帖由 清晨Leo 於 2018-12-11 06:54 PM 發表

這是好耳機來
同意,而且售價唔過2K,幾抵玩。



回覆 引用 TOP

[隱藏]
試咗htc、apple同埋tempotec嘅type c轉接線,最後發現推力最細嘅apple轉接線最適合IT01s,因為底噪表現最好。


附件

IMG_20181213_235018.jpg(465.18 KB)

2018-12-13 11:52 PM

IMG_20181213_235018.jpg

回覆 引用 TOP

[按此隱藏 Google 建議的相符內容]




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。