• 瀏覽: 3,191
  • 回覆: 11
  • 分享: 1
+15
因為之前未用過航拍機,第一次用,唔知10%會迫降,就咁出事,落咗喺山上面,就天黑聽朝去搵。請問一下,部機餘電會唔會開到蜂嗚?同埋,要帶埋遙控去先連接到部機開蜂嗚?


引用:
原帖由 krizat01 於 2022-2-3 05:02 PM 發表
因為之前未用過航拍機,第一次用,唔知10%會迫降,就咁出事,落咗喺山上面,就天黑聽朝去搵。請問一下,部機餘電會唔會開到蜂嗚?同埋,要帶埋遙控去先連接到部機開蜂嗚?
樓主師兄,乜咁大意呀?

MAVIC 3,就算你買咗DJI CARE都係冇飛丟保障㗎。《更正:MAVIC 3係有飛丟保障嘅。

10%電迫降,電池冇可能捱到翌日的,所以唔好諗連接到部機去開到個蜂鳴器了。

現在你要做好,就係睇返個飛行數據,然後用【找飛機】搵出最後失聯的經緯度。

把失聯的經緯度寫下來,輸入手機的地圖,就可以大約知道迫降的地點了。

明天必定要帶埋部遙控器去㗎。

明天先用手機去規劃好路線,去到大約的目的地,再開遙控器連接手機,然後去【找飛機】的功能,用遙控器當指南針咁慢慢去搵,當手機上顯示遙控器與失聯的航拍機地點重疊時,航拍機大約會在你當時地點的兩米嘅半徑範圍內,高度可以參考失聯時的高度,但要對比返你的起飛點嘅水平高度。

找飛機,是飛手必經之路,經一事便長一智;找過一次飛機,成功與否,對自己都有很好的經驗值提升。

我都找過幾次飛機,有次係因為強風迫降:

全程屏幕錄影的最大好處係出咗事,可以睇返最重要的找飛機地理情況和飛行數據資料:

睇到最後失聯時的情況,可以更容易掌握迫降的地點:

用手機規劃好初步路線:

我每次都準備充足,所以都可以搵得返部航拍機:

如果真係搵唔到,可以在google搜尋中輸入【航拍機拯救隊】,佢地找飛機經驗非常豐富,應該可以幫到你,但就需要收費,費用是可以令人接受到的,唔算貴。


[ 本帖最後由 csmarco 於 2022-5-9 16:38 編輯 ]



我由前年年尾開始接觸航拍機,至今已經飛行了757次,飛行時數有131小時,飛行距離已達2,800公里:

我亦試過幾次飛丟事故,但最終都係化險為夷,搵得返部航拍機。

我曾經出過一帖【找飛機】,都可以給樓主師兄參考一下。

航拍生活點滴05:找飛機。
https://applink.discuss.com.hk/bECd8DSJlnb

[ 本帖最後由 csmarco 於 2022-2-4 01:00 AM 編輯 ]



迫降時應採取的步驟:
迫降的首要原則:遇林勿入!
盡量迫降在空地或馬路附近的地方。

我在飛鵝山放飛,一時樂極忘形,快活不知時日過,到發現唔夠電回航時才知為時已晚。

但我懂得【遇林勿入】的迫降原則,所以明知電池已返不到起飛點,立即冷靜下來,把航拍機推返出去,搵空地或馬路邊迫降:

即係咁樣:

立即開啟【找飛機】,並且擷圖再放大:

讀取迫降的經緯度:

再睇屏幕錄影,看清迫降的現場地理環境和位置:

用【地圖】去規劃搜索路線:

如果是深入林中,根本就極難搵得返,所以【遇林勿入】是迫降的首要原則:

幸好我迫降在林邊,很快就已經找回飛丟的航拍機了:

最後重申,放飛時請盡量在手機上全程開啟屏幕錄影,出咗事重可以睇得返啲重要資訊,方便搜索飛丟的航拍機。

當放飛完成後,航拍機平安返航,回家後在有空時才刪除屏幕錄影的檔案,是又安全,更是百利而無一害的舉動吧。



引用:
原帖由 krizat01 於 2022-2-3 05:02 PM 發表
因為之前未用過航拍機,第一次用,唔知10%會迫降,就咁出事,落咗喺山上面,就天黑聽朝去搵。請問一下,部機餘電會唔會開到蜂嗚?同埋,要帶埋遙控去先連接到部機開蜂嗚?
樓主師兄,【低電量原地降落】這個警告字句,飛手睇到都會汗流浹背的。

我亦親身感受過有多大的震撼!

航拍生活點滴13:老鳥也竟然樹上掛機!
https://applink.discuss.com.hk/vLjau46Mlnb



了解,當買個教訓,已打上care到問,可以照報上去,謝。


引用:
原帖由 krizat01 於 2022-2-4 06:09 AM 發表
了解,當買個教訓,已打上care到問,可以照報上去,謝。
樓主師兄,了解便好了。

樓主師兄買這個教訓,付出的代價真的不小吧。

DJI CARE當然係可以照報上去的,之後DJI就會詳細分析你的飛行數據,如果不是航拍機的機件或軟件出現問題,而是人為操作問題的話,極其量DJI可能會比你一個85折的價錢,去買返一部單機和單電。《更正:MAVIC 3係有飛丟保障嘅。

但你的損失也非常巨大,始終Mavic 3也是高價航拍機吧。

不知樓主師兄昨天是否已出動去找尋失聯的航拍機呢?


[ 本帖最後由 csmarco 於 2022-5-9 16:40 編輯 ]



10%電迫降,電池只可以捱到10分鐘~ 你搵拯救隊啦~ M3搜救費用應該2000~3000蚊之間~


call航拍機拯救隊啦
人地專業好多
你比跌機之前條片同flight log佢就搵到部機
上次我部機掛咗懸崖邊人地遊繩去救
呢啲錢係要比人賺架



第一次買drone就係mavic 3
你一定唔會係窮hi啦



引用:
原帖由 csmarco 於 2022-2-3 23:30 發表

樓主師兄,乜咁大意呀?

MAVIC 3,就算你買咗DJI CARE都係冇飛丟保障㗎。

10%電迫降,電池冇可能捱到翌日的,所以唔好諗連接到部機去開到個蜂鳴器了。

現在你要做好,就係睇返個飛行數據,然後用【找飛機】搵出最後失聯的經緯度。
: ...
迫降咁大獲?我部MAVIC 3無電好似係你提你自動返航



大家玩航拍,有個心理準備,唔見機始終有一次;
等於揸車在外,唔係你撞人,就係人撞你;
錢財身外物,最緊要無人受傷。



[按此隱藏 Google 建議的相符內容]