註冊 登入



打印

む開箱] Beat Audio Billow - 黃金之梵音

む開箱] Beat Audio Billow - 黃金之梵音 E-mail 此主題給朋友

[隱藏]
好耐都無響呢度開過箱,之前都講左會響呢度開一個靚箱,要開就要開個 “黃金” 一樣咁靚既!  今次開既主角,其實係一年多前已經面世,但由於當時擁有左 PD8, 對於一條索價要兩萬個大洋既線有所卻步。隨後既限量 Virginia 算係價錢接受範圍,亦都交足功課,所以亦狗衝左一條! 到左上個月公司業績好,花紅自然好,大老闆手鬆鬆咁封左個利是仔,咦! 咦! 可以買野玩!!思前想後,亦試前嘗後,玩埋法老王,最後個人都係揀 Billow…. 可能大家馬上出左好多問題,咁法老,PD8, Virgina, 什至有睇我響 headfxdy 開箱既 Audio Genetic 阿波羅,條條都萬完級咁邊條好呀?!?!  不如就襯呢個開箱 post 之後我地慢慢一齊討論! 第一樓我地主要講下 Billow 先!
Beat Audio 呢兩年真係出好多好線,近期青蛇,Meris,之前 Virginia, 再遠少少 Prima Donna,但Billow 就足足貴 PD8 唔止一個 double,大家都明hi-fi head-fi 價錢比例同聲音比例唔係正比... 能夠令我願意再次俾錢當然有佢能力。Billow 一如 PD 一樣,無好正面咁話俾消費者知佢真正有咩成份,只係講金合金加稀有金屬,用家用耳仔去分析下值唔值!  不如又去睇左個樣先啦,我覺得 Billow 最唔好就係…… 太黃囉,黃到有d 浮誇,希望廠方可以搞搞佢

兩皮野一條線同其他都係同一個packing



金色分線,乜叉都金


原裝2.5,其實幾好聲,唔使換古仔啦


搭上 Flamenco


搭夠一對 Flamenco 啦


揀 Billow, 其實係被佢將弱音既演釋同中頻人聲吸引左,一般既線好多時都未能清晣地將弱音位展示出黎,聽既時候係有粒音喎,但係叮一下就唔知去左邊,有時會覺得點解有一d 咁粗糙既聲出現。當我去試線條時,我係帶左對新買既 Flamenco 去試,明知係未煲好但都想試下夾出黎既效果係如何。插左線,玩 Flamenco d 高低開關掣時,效果好似特別明顯! 高頻伸延既線條非常細緻順滑(但我覺得 PD8 仲好少少),但 Billow 再吸引既係佢好有肉地有質感既中頻人聲,開聲一刻係完全感受到表演者聲帶既震動,每粒音都完全還原既聽感,暫時 Billow 係第一條令我有呢個feel,聽住蔡大媽唱隻缺口,聽陳潔麗唱眼淚,從聲音中都感受到演出者既面部表情。另外 Billow 比 PD8 好既係佢既泛音,聽既時候會覺得每粒音都有餘韻,好細緻好舒服,相對 PD8 會收得快過 Billow d d … 低音就一定係 Billow 強勁過 PD8 既,始終 PD8 既高中頻向先係最強,Billow 會較為有動態,musical 味重 d… 所以如果鍾意玩高頻既,應該從 PD8 入手試,如果要 musical, 人聲側重,就諗 Billow 向方 (當然 Budget 先係最大敵人!!!!)
其實寫呢篇開箱時,條線都俾我煲左成二百五十個鐘有多,不停不休咁狂煲... 聲音係越煲越滑,由其個分析力對弱音表現係越煲越強! 我暫時都唔知佢仲可以去到幾遠,呢一刻我會一路聽一路煲咁去玩!  都要remind 返大家,睇住個銀包,呢條線價錢都幾哽,量力而為....



實用相關搜尋: 買野 金屬
狗兄 恭喜又有新玩具等左你出post好耐





引用:
原帖由 赤道戇狗 於 2017-10-11 10:25 AM 發表

好耐都無響呢度開過箱,之前都講左會響呢度開一個靚箱,要開就要開個 “黃金” 一樣咁靚既!  今次開既主角,其實係一年多前已經面世,但由於當時擁有左 PD8, 對於一條索價要兩萬個大洋既線有所卻步。隨後既限量 Virg ...
恭喜九爺,又有新玩具,唔知攞去周大碌度秤值幾多






回覆 引用 TOP

恭喜九爺,有新玩具玩。
隔住個mon都覺得佢毒,我仲撚緊條青蛇咋。
遲下都要試下毒唔毒我先。






回覆 引用 TOP

[隱藏]
引用:
原帖由 赤道戇狗 於 2017-10-11 10:25 AM 發表

好耐都無響呢度開過箱,之前都講左會響呢度開一個靚箱,要開就要開個 “黃金” 一樣咁靚既!  今次開既主角,其實係一年多前已經面世,但由於當時擁有左 PD8, 對於一條索價要兩萬個大洋既線有所卻步。隨後既限量 Virg ...
恭喜狗兄
條野好X金呀



實用相關搜尋:

回覆 引用 TOP

恭喜九兄入手好線,billow個價又真係硬咗少少所以一路都冇試過~反而𠵱排入咗條青🐍嚟玩吓都唔錯





回覆 引用 TOP

引用:
原帖由 赤道戇狗 於 2017-10-11 10:25 AM 發表

好耐都無響呢度開過箱,之前都講左會響呢度開一個靚箱,要開就要開個 “黃金” 一樣咁靚既!  今次開既主角,其實係一年多前已經面世,但由於當時擁有左 PD8, 對於一條索價要兩萬個大洋既線有所卻步。隨後既限量 Virg ...
恭喜狗爺
咁貴我玩唔起😞






回覆 引用 TOP

正, 新版ba頭仲要改埋金頭 同我朋友一模一樣





回覆 引用 TOP

狗兄放毒果然唔簡單
恭喜先



實用相關搜尋:
小白一個~~

回覆 引用 TOP

[隱藏]
都好毒下,有機會要去聽下以身試毒。


熱門搜尋: 豐胸療程 粉底 化妝掃 抽脂 cosmetic bb cream 雙眼皮

回覆 引用 TOP

狗兄 恭喜 恭喜 越來越多玩具,幾時得閒再post所有玩具全家福比各位師兄欣賞吓?


實用相關搜尋:

回覆 引用 TOP

呢條金合金線相信以同質料計暫時都未有對手,價錢真係唯一問題!


熱門搜尋: ielts 業餘進修中心 bba
恭喜狗兄又有新玩具, 估你唔到你會選擇 Billow






LegoBoy

回覆 引用 TOP

多謝大家先!! 其實我都爭扎左幾日架! 一來價錢真係真係一個心理關口,二來聲音取向係想要乜。大家都知道同價位既真係得法老姣 (而家想要都無), 其實之前去左泰國都試左EA 條泰國限量版 Freyja <-- 唔記得有無串錯,亦有諗過Heracle... 但基於基線既設計,反而係神神秘秘既  Billow 引起我最大關注... 既撚聲音又啱口味,所以就揀呢條


實用相關搜尋: 設計

回覆 引用 TOP

[隱藏]
引用:
原帖由 HTK@T 於 2017-10-11 10:31 AM 發表

狗兄 恭喜又有新玩具等左你出post好耐
我唔係無出既,不過就去左第二度出啫.... 你google search 我個名應該就搵到



實用相關搜尋: google

回覆 引用 TOP

 73 12345
 提示:支持鍵盤翻頁 ←左 右→
[按此隱藏 Google 建議的相符內容]
 





 

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。